ΧΑΙΡΕΤΙΣΜΟΙ Εἰς τούς ἐν Θερμή της Μυτιλήνης Ἁγίους Ἱερομάρτυρας Ραφαήλ καί Νικόλαον καί τήν Παρθενομάρτυρα Εἰρήνην

  

ΟΙΚΟΙ 24 ΗΤΟΙ ΧΑΙΡΕΤΙΣΜΟΙ

 

Εἰς τούς ἐν Θερμή της Μυτιλήνης Ἁγίους Ἱερομάρτυρας Ραφαήλ καί Νικόλαον καί τήν Παρθενομάρτυρα Εἰρήνην.

 

 

Ποίημα Γερασίμου Μοναχοῦ Μικραγιαννανίτου.

(Διαβάζεται σέ κάθε περίστασιν)

 

Τόν Ραφαήλ τόν θαυμαστόν Ἱερομάρτυρα

σύν Νικολάω καί Εἰρήνη ἀνυμνήσωμεν

Τούς πλουσίως δοξασθέντας παρά Κυρίου'  

Ἐν Θερμή γάρ ὡς ἀστέρες ἠμίν ὤφθησαν

Καί πυρσεύουσιν ἀπαύστως θείοις θαύμασι

τούς κραυγάζοντας, Ἀθληταί Χριστοῦ χαίρετε.

Άθλησιν μακαρίαν, ἀνενδότω καρδία, ἠθλήσατε τριάς τῶν μαρτύρων (ἐκ γ')

Ραφαήλ σύν τῷ Νικολάω καί Εἰρήνη τυράννους καταισχύνοντες'

διό ἠμᾶς γεραίροντες, ὁμοφώνως ὑμίν βοῶμεν

χαίρε τριας στερρῶν Ἀθλοφόρων

 

χαῖρε πλειάς Χριστοῦ θεραπόντων 

Χαῖρε θεοφόρε Ραφαήλ θεοληπτε 

χαῖρε, νικηφόρε θεοφρον Νικόλαε 

Χαῖρε, Μάρτυς εἰρηνώνυμε παρθενίας ἡ λαμπάς 

χαῖρε, τρίστιχε συνέλευσις καί ἀθλητική τριάς 

Χαῖρε, ὅμιλε θεῖς τρισαυγῶν Ἀθλοφόρων 

χαῖρε, κλέος καί δόξα εὐσεβῶν Ὀρθοδόξων 

Χαῖρε, σύστημα θεῖον τριστέλεχον 

χαῖρε, εὐσεβῶν καύχημα ἔνθεον 

Χαῖρε, χορός τρισαρίθμων Μαρτύρων 

χαῖρε, ὁμότιμε πάντων Ἁγίων

Χαίρετε άγιοι Μάρτυρες 

 

Βίον ἔχοντες θεῖον, τήν ὁρμήν τῶν ἀπίστων, ὑπέστητε 

προθύμω καρδία' καί κεκρυμμένοι χρόνοις πολλοῖς, ἄρτι

παραδόξως ἐφανερώθητε, ὤ Ἀθληταί τρισάριθμοι, 

ἐκπλήττοντες τούς ἐκβοώντας.

 

Ἀλληλούια.

 

Γνώμη ἀνδρειοτάτη, Ραφαήλ καθυπέστης, ἐχθρῶν τήν

μανιώδη κακίαν· καί ποικιλοτρόπως αἰκισθεῖς, μαρτυρικῆς

εὐκλείας κατηξίωσαι' διό τήν καρτερίαν σου, θαυμάζοντες ἀναβοῶμεν

Χαῖρε, ἡ στήλη τῆς καρτερίας

χαῖρε, ἡ πτῶσις τῆς δυσσεβείας 

Χαῖρε, τῆς Ἰθάκης βλαστός ἱερώτατος

χαῖρε, τῶν Μαρτύρων ἐν πάση ὁμότροπος

Χαῖρε, μύστης ἐνθεώτατος τῆς ἀγάπης Τοῦ Χριστοῦ

χαῖρε, στύλος ἀρραγέστατος τοῦ θεοφρονος λαοῦ

Χαῖρε, ὅτι Κυρίω ὁλικῶς ἀνετέθης

χαῖρε, ὅτι τοῦ κόσμου τῶν τερπνῶν ἀπανέστης

Χαῖρε, Χριστοῦ θεράπων θερμοτατος

χαῖρε, πιστῶν ἀτίνακτος πρόβολος

Χαῖρε, ζωῆς ἐναρέτου πυξίον

χαῖρε, Φωτός οὐρανίου δοχεῖον

Χαῖρε Ραφαήλ ἀξιάγαστε

 

Δύναμιν οὐρανίαν, ἔσχηκας ἐν τῷ λόγω, ὡς πλήρης

θεϊκῆς ἐπιπνοίας, τοῦ Εὐαγγελίου Χριστοῦ, περιφανής

διδάσκαλος ἐχρημάτισας, Ραφαήλ παναοίδιμε, πάντας

διεγείρων κραυγάζειν'

 

Ἀλληλούια.

 

Ἔλλαμψιν εὐσεβείας, ἔσχηκας ἐν καρδία, Νικόλαε,

Ραφαήλ τοῖς λόγοις, καί διακονῆσαι ὡς εἰκός τή Ἐκκλησία,

Χριστοῦ προκεχείρισαι· διό σέ μακαρίζοντες,

ἀναβοῶμεν σοί'

Χαῖρε, τρωθεῖς Χριστοῦ τή ἀγάπη

χαῖρε, δειχθῆς θεοφρων ἐν πάση

Χαῖρε, ἱερῶν Διακόνων σελάγισμα

χαῖρε, θαυμαστῶν Ἀθλοφόρων ὠράϊσμα

Χαῖρε, τύπος καί γεώργιον Ραφαήλ τοῦ ἱεροῦ

χαῖρε, ὅσιος Διάκονος Ἐκκλησίας Τοῦ Χριστοῦ

Χαῖρε, Θεσσαλονίκης ἐνθεώτατον αὖχος

χαῖρε, ἀθανασίας εὐωδέστατον ἄνθος

Χαῖρε, φθαρτῶν ἁπάντων ὑπέρτερος

χαῖρε, χοροῦ Μαρτύρων συμμέτοχος

Χαῖρε, Χριστοῦ ἱερώτατον θύμα

χαῖρε, ἐχθροῦ καιριώτατον πήμα

Χαῖρε Μάρτυς Νικόλαε

 

Ζῶν ἐνάρετον βίον, ὡς διάκονος θεῖος, ὑπέστης τήν

ὁρμήν τῶν βαρβάρων, καί ἤθλησας ἐν Θερμή καλῶς, 

ἀθλητικῶς Νικόλαε δεδόξασαι, τῷ σέ ἐνδυναμώσαντι, 

σύν Ἀθληταῖς Μάρτυς κραυγάζων·  

 

Ἀλληλούια.

 

Ἠθλησας στερροψύχως, ὡς νεάνις θεοφρον, Εἰρήνη

μακαρία Παρθένε' καί τυρρανικήν Μάρτυς ὀφρύν, 

φαυλίσασα Κυρίω προσενήνεξαι, θυσία ὡς εὐσπρόδεκτος,

ἀκούουσα παρ' ἠμῶν ταῦτα·

Χαῖρε, ἀλάβαστρον τῆς ἀγνείας 

χαῖρε, κατάπτωσις τῆς κακίας

Χαῖρε, αἰωνίου εἰρήνης ἐπώνυμος

χαῖρε, Ἀθληφόρων ἁγίων ὁμόσκηνος

Χαῖρε, κρίνον τό μυρίπνοον τῆς Ἀγάπης Τοῦ Χριστοῦ

χαῖρε, ξίφος τό ἀμφίστομον κατ' ὀφρύος τοῦ ἐχθροῦ

Χαῖρε, τῶν νεανίδων ἐγκαλλώπισμα θεῖον

χαῖρε, τῆς παρθενίας εὐωδέστατον ἴον

Χαῖρε, Χριστοῦ ἀμνάς καλλιπάρθενε

χαῖρε, Φωτός ἄϋλου ἀναπλεως

Χαῖρε, Χριστοῦ πανακήρατος νύμφη

χαῖρε, πιστῶν θεοβράβευτος νίκη

Χαίροις Εἰρήνη πανσεμνέ.

 

Θυμόν ἤνεγκας Μάρτυς, ἐπελθόντων βαρβάρων, ἐν

ἁπαλῶ σώματι Εἰρήνη, καί ἐν ὄψει τού σου πατρός, τό

φρικτόν καθυποστάσα μαρτύριον, μαρτυρικῆς ἠξίωσαι,

εὐκληρίας ἀναβοώσα·

 

Ἀλληλούια.

 

Ιταμότητι πλείστη, Ραφαήλ τῶν τυράννων, ἀντετάξω

τήν σήν καρτερίαν, καί διά πρίονος τόν σκληρόν, θάνατον 

ὑπέμεινας παναοίδιμε, ἐκπλήττων τούς ὁρώντας σέ,

καί στηρίζων τούς ἐκβοώντας'

Χαῖρε, τό κλέος τῶν Ἱερέων

χαῖρε, τό γέρας τῶν Μοναζόντων

Χαῖρε, θαυμαστῆς καρτερίας ὑποδειγμα 

χαῖρε, ψυχικῆς παρρησίας διαγραμμα 

Χαῖρε,  λύχνος φαεινότατος Μοναστῶν τῶν τῆς Θερμῆς

χαῖρε, στήριγμα θεοσδοτον εὐσεβῶν ἐν τοῖς δεινοίς 

Χαῖρε, ὅτι ὑπέστης ἀνυποίστους βασάνους 

χαῖρε, ὅτι ἐκτρέπεις τούς ἀθέους τυράννους

Χαῖρε, ἠθῶν ἀμέμπτων διδάσκαλε

χαῖρε, πολλῶν χαρίτων ἀναμεστε 

Χαῖρε, πηγή σωτηρίων θαυμάτων

χαῖρε, ροή ψυχοτρόπων ναμάτων

Χαίροις Ραφαήλ ἀξιάγαστε.

 

Κεκρυμμένος τυγχάνων, ἐν Θερμή πολλοῖς χρόνοις,

ὑπό γῆν Ραφαήλ θεοφόρε, θαυμαστῶς ἐγνώσθης τοῖς πιστοῖς,

ἐν ὄψεσι καί σημείων δυνάμεσι, καί καταπλήττεις 

ἅπαντες, τοῖς σοῖς θαύμασι τούς βοώντας.

 

Ἀλληλούια.

 

Λάμπων θεοσεβείαις, Νικόλαε ὠράθης, ἐκφαίνων ἦνπερ

ἔσχηκας δόξαν' ἔνθεν τόν τάφον Μάρτυς τόν σόν, οἴ 

εὐσεβεῖς εὑρόντες Θεόν ἤνεσαν, καί χάριν ἀρυόμενοι, 

βοῶσαι σοί ἐν εὐφροσύνη.

 

Χαῖρε, διάκονε Τοῦ Κυρίου 

χαῖρε, ἀντίπαλέ του δολίου

Χαῖρε, ὁ νικήσας τυράννων τήν ἔνστασιν

χαῖρε, ὁ πλουτήσας Ἀγγέλων τήν ἔλλαμψιν

Χαῖρε, Μάρτυς ἀκαθαίρετός του παντάνακτος Χριστοῦ

χαῖρε, πτῶσις καί ἐκνεύρισις τοῦ ἀλάστορος ἐχθροῦ

Χαῖρε, ὅτι Μαρτύρων διανύεις τόν δρόμον

χαῖρε, ὅτι Κυρίου μεγαλύνεις τόν λόγον

Χαῖρε, πιστῶν θεοσδοτον καύχημα

χαῖρε, ἠμῶν τό θεῖον διάδημα

Χαῖρε, χοροῖς συναφθεῖς τῶν Μαρτύρων 

χαῖρε, χαρᾶς μετασχῶν τῶν ἁγίων

Χαίροις Μάρτυς Νικόλαε 

 

Μαρτυρίου τόν δρόμον, διανύσας θεοφρον, ἐτέλεις

ὑπό γῆν πολλοῖς χρόνοις, Νικόλαε μάκαρ ἐν Θερμή,

καί ἀρτίως θαυμαστῶς πεφανέρωσαι διό σου προσερχόμενοι,

τοῖς λειψάνοις πιστῶς βοῶμεν

 

Ἀλληλούια.

 

Νεκρωθεῖσα Εἰρήνη, ἐν βιαίω θανάτω, μετέστης προς 

ἀθάνατον δόξαν, καί ἐν τῷ Νυμφώνι τῆς Ζωῆς τήν τοῦ Σωτήρος 

ὀρώσα λαμπρότητα, ὑπέρ ἠμῶν ἱκέτευε, τῶν ἐκβοώντων σοῖ, θεοφρον  

Χαῖρε, νεάνις Χριστοῦ ἁγία

χαῖρε, παρθένος ἡ μακαρία

Χαῖρε, τοῦ πυρός ἐνεγκοῦσα τήν ἔκκαυσιν

χαῖρε, τῶν ἐχθρῶν καθελοῦσα τήν ἔνστασιν

Χαῖρε, νύμφη πανακήρατε τοῦ Παντάνακτος Χριστοῦ

χαῖρε, μύρον τό νοούμενον βίου τοῦ παρθενικοῦ

Χαῖρε, ὅτι Μαρτύρων τούς ἀγώνας ὑπήλθες 

χαῖρε, ὅτι πρός δόξαν τῶν Ἀγγέλων ἀνῆλθες

Χαῖρε, ὀσμή ἁγνείας πανεύοσμος 

χαῖρε, κλεινῶν Μαρτύρων συνέστιος

Χαῖρε, τρυφῆς ἡ μετέχουσα θείας

χαῖρε, Ζωῆς κοινωνοῦσα ἁγίας

Χαίροις Εἰρήνη πανσεμνε 

 

Ξενωθεῖσα τῶν κάτω, μακαρία Παρθένε, Εἰρήνη

τοῖς χοροῖς τῶν Ἀγγέλων, συνήφθης τελέσασα στερρῶς,

τόν ἀγώνα τόν καλόν καλλιπάρθενε, σύν Ραφαήλ καί Νικολάω,

προσάδουσα τῷ Κυρίω·

 

Ἀλληλούια.

 

Ὅλος δεδοξασμένος, Ραφαήλ, καθορᾶσαι, καθ' ὕπαρ 

ἐν Θερμή παραδόξως, σύν Νικολάω καί Εἰρήνη,

καί πανταχοῦ ἐνεργεῖς ἐν τοῖς θαύμασι, ἰώμενος τούς πάσχοντας,

καί βοηθῶν τοῖς ἐκβοῶσι. 

Χαῖρε, ὁ μέγας ἐν θαυμασίοις

χαῖρε, ὁ ἔνδοξος ἐν ἁγίοις

Χαῖρε, ὁ τό πάλαι ἀθλήσας στερρότατα

χαῖρε, ὁ ἀρτίως φανεῖς ἐνθεώτατα

Χαῖρε, ἐνεργῶν τοῖς θαύμασιν πανταχοῦ ὑπερφυῶς

χαῖρε, χορηγῶν τοῖς ἄπασι τάς αἰτήσεις θαυμαστώς 

Χαῖρε, ὅτι κατ' ὄναρ καί καθ' ὕπαρ ὀρᾶσαι

χαῖρε, ὅτι ἐνθέως ὑπ' ἀξίων θεάσαι 

Χαῖρε, πολλῶν τά πάθη ἰώμενος

χαῖρε ἠμῶν προστάτις καί πρόμαχος

Χαῖρε, Μονῆς Καρυῶν δαδουχία

χαῖρε, Θερμῆς θεϊκή εὐκοσμία

Χαίροις Ραφαήλ ἀξιάγαστε.

 

Πλείστοις Πάτερ ὠράθης, ἐκπληρῶν τάς αἰτήσεις,

καί νέμων θεϊκήν εὐφροσύνην' διό ἐν Θερμή τή

σή σορῶ, πανταχόθεν οἱ εὐσεβεῖς συρρέουσι,

Ραφαήλ ἀνυμνοῦντες σέ, καί ἐκβοῶντες τῷ Σωτήρι·

 

Ἀλληλούια.

 

Ρώμην τήν θείαν ἔχων, Νικόλαε ὑπῆλθες νομίμως,

Μαρτυρίου τό σκάμμα, καί παρά Κυρίου δοξασθεῖς,

ἐν Θερμή τό σόν σκῆνος ἀπεκάλυψας, τοῖς πόθω σοί γεραίρουσι,

καί ἐκβοῶσι σοί προθύμως· 

Χαῖρε, ὁ θεῖος ἐν διακόνοις 

χαῖρε, ὁ Μάρτυς ἐν Ἀθλοφόροις

Χαῖρε, τῶν ἀρχαίων Μαρτύρων ἰσότιμος

χαῖρε, τῶν Ἁγίων ἁπάντων ὁμότιμος

Χαῖρε, ἔνδοξε Νικόλαε νίκη πάντων τῶν πιστῶν

χαῖρε, βάσις καί ἑδραίωμα εὐσεβῶν χριστιανῶν

Χαῖρε, ὅτι ἐδέξω ἀφθαρσίας τό στέφος

χαῖρε, ὅτι παρέχεις τοῖς τιμῶσι σέ σθένος

Χαῖρε, Χριστοῦ πιῶν τό ποτήριον

χαῖρε, ἠμῶν τό θεῖον προσφύγιον

Χαῖρε, ἐχθροῦ ἀπαμβλύνας τά κέντρα

χαῖρε, πιστῶν καταυγάζων τήν φρένα

Χαίροις Μάρτυς Νικόλαε.

 

Σύσκηνος τῶν Ἀγγέλων, καί Μαρτύρων τυγχάνων,

μετά Ραφαήλ καί τῆς Εἰρήνης, Νικόλαε Μάρτυς τοῦ Χριστοῦ, 

σύν αὐτοῖς ὑπέρ ἠμῶν, ἀεί πρέσβευε, ὡς ἄν δεινῶν ρυσθείημεν,

οἱ ὁμοφρόνως ἐκβοῶντες.  

 

Ἀλληλούια.

 

Τό ἀκήρατον κάλλος, τοῦ Νυμφίου ὀρώσα, εἰς τας 

ἐπουρανίους σκηνώσεις, σύν τοῖς τοκεύσι σου σεπτοῖς,

Εἰρήνη Παρθενομάρτυς ἀήττητε, σύν αὐτοῖς Χριστῷ πρέσβευε,

ὑπέρ ἠμῶν τῶν ἐκβοώντων·

Χαῖρε, τό κρίνον τῆς εὐσεβείας

χαῖρε, τό σκεῦος τῆς παρθενίας

Χαῖρε, εὐωδίας τῆς θείας θησαύρισμα

χαῖρε, καλλινίκων παρθένων ἀπάνθισμα 

Χαῖρε, μύρον πολυσύνθετον πολιτείας τῆς σεπτῆς

χαῖρε, ἄρωμα οὐράνιον χάριτος ἀθλητικῆς

Χαῖρε, ὅτι τήν ἄνω θείαν δέδεξαι ρώμην 

χαῖρε, ὅτι τόν μέγαν κατεπάλαισας ὄφιν

Χαῖρε, Χριστοῦ εὐῶδες ὀσφράδιον

χαῖρε, σεπτόν καί ἅγιον σφάγιον

Χαῖρε, σεμνή ἀηδών Ἀληθείας

χαῖρε λαμπρά λαμπηδών ἀφθαρσίας

Χαίροις Εἰρήνη πανσεμνέ, 

 

Ὑμνοις ἐπινικίοις, Ἀθληφόρε Εἰρήνη, ὑμνοῦμεν σου

τήν ἄθλησιν Μάρτυς' ὅτι ἐν σώματι ἁπαλῶ, τόν ἀρχαῖον

κατεβέβληκας δράκοντα, καί νίκης διαδήματι, κοσμηθεῖσα

Κυρίω ψάλλεις·

 

Ἀλληλούια.

 

Φωτοφόρος ὡς λύχνοι, ἀναφθέντες ἐν Λέσβω ἐφάνητε

ἀρτίως τῷ κόσμω, καί θαυμάτων ταῖς μαρμαρυγαῖς, 

καταπυρσεύετε πιστῶν τά πληρώματα, Ἀθλοφόροι τρισάριθμοι'

διό πιστῶς ὑμίν βοώμεν' 

Χαῖρε, Μαρτύρων τριττῆ χορεία

χαῖρε, τῆς Λέσβου φωταγωγία

Χαῖρε, Ἀθλοφόρων χορός ὁ τριστέλεχος

χαῖρε, ἀσεβείας ἁπάσης ὁ ἔλεγχος

Χαῖρε, σύστημα τρισάριθμον τοῦ Σωτῆρος κοινωνοί

χαῖρε, ὅμιλος θεοπλοκός εὐσεβούντων ὁδηγοί

Χαῖρε, ἐκ τρισηλίου φωτισμοῦ δαδουχία

χαῖρε, θείων Μαρτύρων θεοφόρε χορεία

Χαῖρε, τριάς Τριάδος ὑπέρμαχοι

χαῖρε, πιστῶν φωστῆρες ὑπέρτιμοι

Χαῖρε, Ραφαήλ σύν τῷ Νικολάω

χαῖρε, Εἰρήνη γυναίων κάλλος

Χαίρετε Μάρτυρες ἐνδοξοι 

 

Χαίροντες ἐν ὑψίστοις, Ραφαήλ καί Εἰρήνη, ὁμού συν 

Νικολάω τῷ θείω, καί πάσι τοῖς ἐν ταῖς Καρυαῖς, ἀθλητικώ 

τέλει ἐχθρόν αἰσχύναντες, διά παντός πρεσβεύετε,

ὑπέρ ἠμῶν τῶν ἐκβοώντων·

 

Ἀλληλούια.

 

Ψάλλοντες σύν Ἀγγέλοις, τόν τρισάγιον ὕμνον,

Τριάδι τή Ἁγία ἀπαύστως, ἱκετεύσατε ὑπέρ ἠμῶν, ὡς ἄν

κινδύνων Μάρτυρες καί θλίψεων, ρυώμεθα ἑκάστοτε,

οἱ ὁμοφώνως ἐκβοῶντες· 

Χαῖρε, χορεία δεδοξασμένη

χαῖρε, Ἀγγέλοις ἡ συνημμένη

Χαῖρε, Ραφαήλ Ἀθλητά ἱερώτατε

χαῖρε, νικηφόρε θεοφρον Νικόλαε

Χαῖρε, Μάρτυς εἰρηνώνυμε, ὤ Εἰρήνη θαυμαστή

χαῖρε, σύλλογε τρισάριθμοι Μυτιλήνης ἀρωγοί

Χαῖρε, ἡ συναυλία τῶν τριττῶν Ἀθλοφόρων

χαῖρε, ἡ τριπλασία Ἀθλητῶν νικηφόρων

Χαῖρε, Χριστοῦ τριόροφον οἴκημα 

χαῖρε, τρισσῶν Μαρτύρων τό σύστημα

Χαῖρε, ἠμῶν, ὤ τριάς θυμηδία 

χαῖρε, τριῶν Ἀθλητῶν συστοιχία

Χαίρετε Μάρτυρες ἐνδοξοι 

 

Ὤ τριάς μακαρία τῶν κλεινῶν Ἀθληφόρων Ραφαήλ 

Νικόλαε καί Εἰρήνη, τή Ἁγία Τριάδι ἀεί, ὑπέρ ἠμών 

ἱκεσίας προσφέρετε, ὡς ἄν τῆς ἄνω λήξεως, ἐπιτύχωμεν οἱ

βοῶντες·

 

Ἀλληλούια.

 

Τόν Ραφαήλ τόν θαυμαστόν Ἱερομάρτυρα 

σύν Νικολάω καί Εἰρήνη ἀνυμνήσωμεν 

τούς πλουσίως δοξασθέντας παρά Κυρίω

ἐν Θερμή γάρ ὡς ἀστέρες ἠμίν ὤφθησαν 

καί πυρσεύουσιν ἀπαύστως θείοις θαύμασιν

τούς κραυγάζοντας, Ἀθληταί Χριστοῦ χαίρετε.

 

Ἀπολυτίκιον τῶν Ἁγίων 

 

Εν Λέσβω ἀθλήσαντες ὑπέρ Χριστοῦ τοῦ Θεοῦ αὐτήν ἠγιάσατε,

τή τῶν λειψάνων ὑμῶν εὐρέσει μακάριοι.

Ὅθεν ἠμᾶς τιμῶμεν, Ραφαήλ θεοφόρε ἅμα σύν Νικολάω καί 

Παρθένω Εἰρήνη, ὡς θείους ἠμῶν προστάτας καί 

πρέσβεις πρός Κύριον 

 

Ἕτερον τοῦ Ἁγίου Ραφαήλ

 

Τῆς Ἰθάκης τόν γόνον καί τῆς Λέσβου τό καύχημα

Ὁσιομαρτύρων τήν δόξαν Ραφαήλ εὐφημήσωμεν πιστοί'

ἀρτίως γάρ ἠμίν φανερωθεῖς ἰάματα πηγάζει τοῖς πιστοῖς

καί καθ' ὄναρ καί καθ' ὕπαρ ὑπερφυῶς ὀπτάνεται τοῖς κράζουσι.

Δόξα τῷ σέ δοξάσαντι Θεόν, δόξα τῷ σέ θαυματώσαντι, 

δόξα τῷ ἐνεργούντι δί ἐσού ἠμίν πάσιν ἰάματα.